बाँदर धपाउने क्रममा लडेर महिलाको मृत्यु

Share this
657shares
मुलुकी खबर
मुलुकी खबर
clock२०८३ भदौ ५, शुक्रबार २१:५५

गुल्मी। बाँदर धपाउने क्रममा लडेर गुल्मीमा एक महिलाको मृत्यु भएको छ। रेसुङ्गा नगरपालिका–७ कुडापानीकी ५५ वर्षीया कमला पाण्डे बाँदर धपाउने क्रममा स्थानीय निउरेनी जंगलको गोरेटो बाटोबाट चिप्लिएर करिब २५ मिटर तल खसेकी थिइन्।

गम्भीर घाइते पाण्डेलाई घटनाबारे जानकारी पाएलगत्तै प्रहरी सहायक निरीक्षक विष्णुबहादुर पाण्डेको नेतृत्वमा खटिएको सात सदस्यीय टोलीले उद्धार गरी उपचारका लागि गुल्मी अस्पताल तम्घास पुर्‍याएको थियो।

जिल्ला प्रहरी कार्यालय गुल्मीका सूचना अधिकारी वीरेन्द्रवीर विश्वकर्माका अनुसार उपचारका क्रममा पाण्डेको आज साँझ मृत्यु भएको हो। घटनाबारे प्रहरीले थप अनुसन्धान गरिरहेको जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.