बुढीगंगामा करेन्ट लागेर एक महिलाको मृत्यु

Share this
713shares
मुलुकी खबर
मुलुकी खबर
clock२०८३ भदौ ८, सोमबार ०९:४८

विराटनगर । मोरङको बुढीगंगा गाउँपालिकामा पानी तान्ने मोटर चलाउने क्रममा करेन्ट लागेर एक महिलाको मृत्यु भएको छ।

बुढीगंगा गाउँपालिका–४ गोकुवा उराव टोलकी ४० वर्षीया मुना कार्कीको करेन्ट लागेर मृत्यु भएको प्रहरीले जनाएको छ । प्रहरीका अनुसार शुक्रबार साँझ साढे ७:३० बजेतिर आफ्नै घरको कलमा जडान गरिएको मोटरबाट पानी चलाउने क्रममा उनलाई अचानक करेन्ट लागेको थियो ।

करेन्ट लागेर अचेत भएकी कार्कीलाई तत्काल उपचारका लागि बुढीगंगामै रहेको विराट शिक्षण अस्पताल पुर्‍याइएको थियो । अस्पतालका चिकित्सकले चेकजाँचका क्रममा राति ८ः४४ बजेतिर उनलाई मृत घोषणा गरेको प्रहरीले जनाएको छ । घटनाका सम्बन्धमा थप अनुसन्धान अघि बढाएको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.