२०८३ भाद्र १२, शुक्रबार ०८:२३
बेलबारी । मोरङको बेलबारीमा ८ वर्षीया बालिका बलात्कृत भएकी छन् । बालिका छोरीलाई बलात्कार (जबरजस्ती करणी) गरेको आरोपमा प्रहरीले बाबुलाई पक्राउ गरेको छ ।
बेलबारी नगरपालिका–८ की बालिकालाई बाबुले भदौ १ गते जबरजस्ती करणी गरेको प्रहरीको प्रारम्भिक अनुसन्धानबाट पत्ता लागेको छ । पीडितकी आमाले घटनाका बारेमा जानकारी गराउँदै बिहीबार इलाका प्रहरी कार्यालय बेलबारीमा जाहेरी दिएपछि प्रहरीले अनुसन्धान अघि बढाएको हो ।
जाहेरी प्राप्त हुनासाथ इलाका प्रहरी कार्यालय बेलबारीबाट खटिएको इन्स्पेक्टर राजीव गिरी नेतृत्वको टोलीले बाबुलाई पक्राउ गरेर अनुसन्धानको दायरामा ल्याएको छ । विभिन्न कोणबाट घटनाको अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
