२०८३ भाद्र १८, बिहीबार १०:५६
विराटनगर । विराटनगरबाट प्रहरीले १ ग्राम ३७० मिलिग्राम खैरो हेरोइनजस्तो देखिने लागुऔषधसहित एक जनालाई पक्राउ गरेको छ ।
विराटनगर महानगरपालिका–१६ हुलास चोकमा बुधबार दिउँसो भारतबाट पैदल नेपालतर्फ आउँदै गरेका मोरङको केराबारी गाउँपालिका-७ का करिब ३३ वर्षीय कमल राईलाई प्रहरीले पक्राउ गरेको हो ।
इलाका प्रहरी कार्यालय रानी र कोशी प्रदेश प्रहरी कार्यालय विराटनगरको प्रादेशिक अनुसन्धान समूहबाट खटिएको टोलीले जाँच गर्दा राईको साथबाट प्लास्टिकबाहेक १ ग्राम ३७० मिलिग्राम खैरो हेरोइनजस्तो देखिने पदार्थ फेला पारेको प्रहरीले जनाएको छ ।
बरामद पदार्थसहित राईलाई नियन्त्रणमा लिएर इलाका प्रहरी कार्यालय रानीमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
