२०८३ भाद्र २१, आइतबार १६:४८
विराटनगर । भारतबाट अवैध रूपमा भन्सार छली गरेर ल्याइएको युरिया मल र सुर्तीजन्य पदार्थ प्रहरीले सुनसरीमा बरामद गरेको छ ।
प्रहरीका अनुसार आइतबार बिहान इलाका प्रहरी कार्यालय देवानगन्ज र अस्थायी प्रहरी चौकी मध्यहर्षाहीबाट संयुक्त रूपमा खटिएको प्रहरी टोलीले देवानगन्ज गाउँपालिका–१ मध्यहर्षाहीबाट १ लाख ६६ हजार ३ सय रुपैयाँ बराबरको १२८ बोरा युरिया मल बरामद गरेको हो । भारतबाट भन्सार छली ल्याएर लुकाइछिपाइ राखिएको अवस्थामा मलसँगै को ५ प ९१२० नम्बरको मोटरसाइकलसमेत प्रहरीले नियन्त्रणमा लिएको छ । बरामद सामग्री आवश्यक कारबाहीका लागि सुनसरी भन्सार कार्यालय सेतुबन्ध पठाइएको प्रहरीले जनाएको छ ।
यस्तै, जिल्ला प्रहरी कार्यालय सुनसरीबाट खटिएको टोलीले इनरुवा नगरपालिका–४ बसचोकबाट भन्सार छलीको १ लाख २ हजार रुपैयाँ बराबरको सुर्तीजन्य पदार्थ नियन्त्रणमा लिएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
