२०८३ भाद्र २१, आइतबार १९:२७
रसुवा । बाढी प्रभावित रसुवाका गाउँबस्तीमा ड्रोनमार्फत खाद्यान्न ढुवानी सुरु गरिएको छ । ड्रोन ढुवानी सेवाको पहिलो दिन आज (आइतबार) स्थानीय हाकुबेँसी क्षेत्रमा खाद्यान्न पुर्याइएको रसुवाका सहायक प्रमुख जिल्ला अधिकारी द्रुवप्रसाद अधिकारीले जानकारी दिए ।
उनका अनुसार चीन सरकारबाट प्राप्त ड्रोनको पारवहन क्षमता ८० किलो भनिए पनि परीक्षणका क्रममा प्रतिउडान ५३ किलोका दरले खाद्यान्न ढुवानी गरिएको छ । आज १२ वटा उडानमार्फत करिब ६६४ किलो खाद्यान्न ढुवानी गरिएको अधिकारीले बताए ।
यसैगरी, आज टिमरेको घट्टेखोलामा तीन, हाकु क्षेत्रमा दुई र डाँडागाउँ क्षेत्रमा एक गरी सिम्रिक एयरका छ वटा हेलिकप्टर उडानमार्फत शव व्यवस्थापनका लागि नुवाकोटको विदुर पठाइएको छ ।
भदौ १० गते भोटेकोशी हुँदै आएको बाढीमा परेर रसुवामा अहिलेसम्म १६९ वटा शव सङ्कलन गरिएको जिल्लाका प्रहरी प्रमुख अशोक थापाले जानकारी दिए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×