२०८३ भाद्र २४, बुधबार १५:१०
धरान । लागुऔषध मुद्दामा अदालतबाट दोषी ठहर भई फरार रहेका एक जना प्रतिवादी सुनसरीको धरानबाट पुनः लागुऔषधसहित पक्राउ परेका छन् ।
इलाका प्रहरी कार्यालय धरानबाट खटिएको टोलीले बुधबार बिहान १०ः४० बजेतिर धरान उपमहानगरपालिका–१३ स्थित आफ्नै घरबाट २५ वर्षीय रुस्तम राईलाई पक्राउ गरेको हो । राईलाई जिल्ला अदालत काठमाडौंले २०८२ साल पुस २३ गते लागुऔषध मुद्दामा दोषी ठहर गर्दै १ वर्ष कैद र २० हजार रुपैयाँ जरिबाना हुने फैसला सुनाएको थियो ।
उक्त सजाय भुक्तान गर्न बाँकी रहेका उनी प्रहरीको फरार सूचीमा थिए । अदालतले तोकेको कैद र जरिबाना भुक्तान नगरिकन फरार रहेका राईलाई लागुऔषध ब्राउन सुगर (खैरो हेरोइन)सहित पुनः पक्राउ गरिएको सुनसरी प्रहरीका सूचना अधिकारी डीएसपी चन्द्रबहादुर खड्काले बताए ।
उनका अनुसार राईको साथबाट १ ग्राम ७ सय मिलिग्राम ब्राउन सुगर बरामद भएको छ । राईमाथि इलाका प्रहरी कार्यालय धरानले थप अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×