जेन्जी आन्दोलनका क्रममा झुम्का कारागारबाट फरार कैदी काठमाडौंमा पक्राउ

Share this
775shares
मुलुकी खबर
मुलुकी खबर
clock२०८३ भदौ २९, सोमबार १८:५६

काठमाडौं । जेन्जी आन्दोलनका क्रममा झुम्का कारागारबाट फरार भएका एक कैदीलाई प्रहरीले काठमाडौंमा पक्राउ गरेको छ ।

पाँचथरको हिलिहाङ गाउँपालिका–९ घर भई हाल काठमाडौंको कागेश्वरी मनोहरा नगरपालिका–७ बस्ने २७ वर्षीय रोशन माझीलाई पक्राउ गरेको प्रहरीले जनाएको छ ।

प्रहरीका अनुसार माझीलाई आइतबार राति करिब ९ बजे कागेश्वरी मनोहरा नगरपालिका–७ हरहर महादेव क्षेत्रबाट पक्राउ गरिएको हो ।

माझी जबरजस्ती करणी मुद्दामा सजाय भुक्तान गरिरहेका कैदी हुन् । उनी गत भदौ २४ गते भएको जेन्जी आन्दोलनका क्रममा झुम्का कारागारमा कैदी सजाय भुक्तान गरिरहेको अवस्थामा फरार भएका थिए ।

फरार भएपछि प्रहरीले उनको खोजी गरिरहेको थियो । सोही क्रममा प्राप्त सूचनाका आधारमा उनलाई काठमाडौंको हरहर महादेव क्षेत्रबाट पक्राउ गरिएको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.