२०८३ भाद्र ३१, बुधबार १७:५०
काठमाडौं । अख्तियार दुरुपयोग अनुसन्धान आयोगका पदाधिकारी तथा कर्मचारीले बाढीपहिरो प्रभावितका लागि ६१ लाख ६२ हजार ५०८ रुपैयाँ ७४ पैसा सहयोग गरेका छन् ।
आयोगका अनुसार भदौ १० गते बुधबार बिहान रसुवाको भोटेकोशी नदीमा आएको बाढीका कारण रसुवा, नुवाकोट, धादिङ, गोरखालगायत जिल्लामा भएको अकल्पनीय जनधनको क्षतिबाट प्रभावितलाई सहयोग गर्ने उद्देश्यले उक्त रकम संकलन गरिएको हो ।
आयोगका पदाधिकारीको १५ दिनको, आयोगका सचिवको १० दिनको, आयोग र मातहत कार्यालयका निजामती तथा प्रहरी सेवाका सहसचिव र सो सरहका राष्ट्रसेवक कर्मचारीको १० दिनको, उपसचिवरशाखा अधिकृत र सो सरहका कर्मचारीको ७ दिनको, राजपत्र अनंकित राष्ट्रसेवक कर्मचारीको ५ दिनको तथा श्रेणीविहीन कर्मचारीको २ दिन बराबरको तलब स्वेच्छिक रूपमा कट्टा गरिएको आयोगले जनाएको छ।
कट्टा गरिएको रकम प्रधानमन्त्री दैवी प्रकोप उद्धार कोषमा जम्मा गरिएको अख्तियारका प्रवक्ता सुरेश न्यौपानेले जारी गरेको विज्ञप्तिमा उल्लेख छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×