कटारीबाट गाँजा बरामद

Share this
750shares
मुलुकी खबर
मुलुकी खबर
clock२०८३ असोज १, बिहीबार ११:०३
कटारीबाट गाँजा बरामद

विराटनगर । उदयपुरको कटारीबाट सशस्त्र प्रहरीले ठुलो परिमाणमा लागुऔषध गाँजा बरामद गरेको छ । कटारीबाट सशस्त्र प्रहरीले बुधबार राति १ सय ३० केजी गाँजा बरामद गरेको हो ।

सशस्त्र प्रहरी बल नेपाल ५ नम्बर हेडक्वार्टर त्रियुगाको कटारी बेस क्याम्पको टोलीले कटारी नगरपालिका–६ स्थित साँघुरीबाट १ सय ३० केजी गाँजा बरामद गरेको प्रहरीले जनाएको छ ।

प्रहरीका अनुसार बुधबार राति खटिएको टोलीले साँघुरीदेखि करिब ५ किलोमिटर दक्षिणतर्फ चुरे जंगलमा पैदल हिँडिरहेका व्यक्तिले प्रहरीलाई देख्ना सामान छाडेर जंगलतर्फ भागेका थिए । फरार भएकाले छाडेको ५ वटा बोरा खोलेर हेर्दा गाँजा भएको प्रहरीले जनाएको छ ।

गाँजा ओसारपसारमा संलग्नको खोजी कार्य जारी रहेको प्रहरीले जनाएको छ। बरामद गाँजा आवश्यक कानुनी कारबाहीका लागि इलाका प्रहरी कार्यालय कटारीको जिम्मा लगाइएको छ । घटनाबारे इलाका प्रहरी कार्यालय कटारीले थप अनुसन्धान थालेको जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.