२०८३ आश्विन १, बिहीबार १३:१७
पर्सा । पर्साको वीरगन्जमा बेवारिसे अवस्थामा फेला परेको भारतीय नम्बर प्लेटको कारबाट चार थान पेस्तोल र छ थान गोली बरामद भएको छ ।
वीरगन्ज महानगरपालिका–१५ स्थित वास्तुबिहार चोकमा बुधबार बेवारिसे अवस्थामा यूपी १६ एजे ३३०१ नम्बरको कार फेला परेको थियो । विशेष सूचनाका आधारमा सशस्त्र प्रहरी बल, नेपाल नं. १३ गण हेडक्वार्टर पर्साबाट खटिएको टोलीले कारको खानतलासी गर्दा हतियार र गोली फेला पारेको हो ।
सशस्त्र प्रहरी बल, नेपाल इन्टेलिजेन्स ब्युरोबाट प्राप्त सूचनाका आधारमा टोली परिचालन गरिएको थियो । कारबाट दुई थान कटुवा पेस्तोल, दुई थान सिक्सर पेस्तोल तथा ७.६२ एमएमका ६ थान गोली बरामद गरिएको सशस्त्र प्रहरीले जनाएको छ ।
बरामद भएका हतियार, गोली र कारलाई थप अनुसन्धान तथा आवश्यक कारबाहीका लागि जिल्ला प्रहरी कार्यालय पर्सामा बुझाइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×