इलामको जंगलमा लुकाएर राखिएको ५५२ किलो फर्सीको बियाँ बरामद

Share this
607shares
मुलुकी खबर
मुलुकी खबर
clock२०८३ असोज ७, बुधबार १६:२२

इलाम। इलामको सूर्योदय नगरपालिका–४ ठूलो मिर्बुङस्थित जंगलबाट प्रहरीले ५५२ किलोग्राम अवैध फर्सीको बियाँ बरामद गरेको छ।

जिल्ला प्रहरी कार्यालय इलामका अनुसार मंगलबार राति करिब ११ बजे इलाका प्रहरी कार्यालय पशुपतिनगर र प्रहरी चौकी फिक्कलबाट खटिएको संयुक्त प्रहरी टोलीले जंगलमा लुकाएर राखिएको अवस्थामा फर्सीको बियाँले भरिएका २० बोरा फेला पारेको हो।

बरामद बियाँ इलाका प्रहरी कार्यालय पशुपतिनगरमा ल्याएर तौल गर्दा ५५२ किलोग्राम रहेको प्रहरीले जनाएको छ। बरामद बियाँ आवश्यक कारबाहीका लागि भन्सार कार्यालय पशुपतिनगरमा बुझाइएको छ।

जंगलमा फर्सीको बियाँ लुकाएर राख्ने व्यक्तिको पहिचान तथा खोजी भइरहेको र घटनाबारे थप अनुसन्धान भइरहेको जिल्ला प्रहरी कार्यालय इलामले जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.