२०८३ आश्विन ८, बिहीबार १२:०९
विराटनगर । सुनसरीको धरान उपमहानगरपालिका–१० का ४३ वर्षीय शिवराज राई लागुऔषध खैरो हेरोइन (ब्राउन सुगर)सहित बिहीबार बिहान विराटनगरबाट पक्राउ परेका छन् ।
भारतबाट नेपालतर्फ पैदल आउँदै गरेका राईलाई विराटनगर महानगरपालिका–१५ स्थित रानी बैंक चोकमा प्रहरीले शंका लागेर चेकजाँच गरेको थियो । इलाका प्रहरी कार्यालय रानी र लागुऔषध नियन्त्रण ब्युरो विराटनगरबाट खटिएको संयुक्त टोलीले चेकजाँच गर्दा उनको साथबाट ८ ग्राम ६२० मिलिग्राम खैरो हेरोइन बरामद गरेको प्रहरीले जनाएको छ ।
ब्राउन सुगरसहित पक्राउ परेका राईलाई इलाका प्रहरी कार्यालय रानीमा राखिएको छ । इन्स्पेक्टर प्रवीण घिमिरे नेतृत्वको टोलीले थप अनुसन्धान गरिरहेको छ । राईविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×