२०८३ आश्विन ८, बिहीबार १८:५७
विराटनगर । विराटनगर महानगरपालिकास्थित सेन्टर मलमा पसल सञ्चालन गरिरहेका चिनियाँ नागरिक सिए जिङलान (पासपोर्ट नम्बर EP4118484) पक्राउ परेका छन् ।
जिल्ला प्रशासन कार्यालय मोरङ र मोरङ उद्योग वाणिज्य संघको टोलीले सेन्टर मलमा अनुगमन गर्ने क्रममा सिएले ‘योनो मार्ट’ नामको पसल सञ्चालन गरिरहेको पाइएको हो ।
प्रहरीका अनुसार सिएले नेपालमा लगानी गर्ने उद्देश्यले उद्योग विभागबाट बिजनेस भिसाका लागि सिफारिस लिएका थिए । तर, भिसासँग सम्बन्धित काम नगरी पसल सञ्चालन गरिरहेको पाइएको छ ।
अनुगमनका क्रममा उनको साथमा सक्कल राहदानीसमेत फेला नपरेपछि प्रहरीले उनलाई नियन्त्रणमा लिएको हो ।
पक्राउ परेका सिएलाई आवश्यक कारबाहीका लागि अध्यागमन विभाग, कालिकास्थान, काठमाडौं पठाउने तयारी भइरहेको वडा प्रहरी कार्यालय विराटनगरले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
