२०८३ आश्विन १०, शनिबार १५:३३
विराटनगर । सशस्त्र प्रहरीले मोरङका विभिन्न सीमा क्षेत्रबाट भन्सार छली नेपालतर्फ ल्याउँदै गरेको १३ लाख ३५ हजार ५ सय २५ रुपैयाँ बराबरको सामान बरामद गरेको छ ।
सशस्त्र प्रहरी बल, नेपाल नं. ३ गण हेडक्वार्टर कंकालिनी मोरङ र सशस्त्र प्रहरी बल, नेपाल सीमा सुरक्षा गुल्म हेडक्वार्टर रानीबाट खटिएको टोलीले बुधबार विभिन्न सीमा इलाकामा चेकजाँचका क्रममा भन्सार छली ल्याइँदै गरेको सामान बरामद गरेको हो । बरामद सामानमा एउटा अटोसहित विभिन्न प्रकारका लत्ताकपडा तथा कस्मेटिक सामग्री रहेका छन् ।
बरामद सामानको भन्सार दाखिला मूल्य १३ लाख ३५ हजार ५ सय २५ रुपैयाँ रहेको सशस्त्र प्रहरीले जनाएको छ । बरामद सामान आवश्यक कारबाहीका लागि विराटनगर भन्सार कार्यालय बुझाइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
