
काठमाडौं । जहरसिंहपौवा–साँखु सडकखण्डमा बुधबार साँझ भएको बस दुर्घटनामा ज्यान गुमाउनेको संख्या ५ पुगेको छ। बा ४ ख ८७८८ नम्बरको बस दुर्घटना हुँदा तीन महिला र दुई पुरुषको मृत्यु भएको हो। जोरपाटीका ५५ वर्षीय अर्जुन लामिछानेको गएराति उपचारका क्रममा मृत्यु भएपछि मृतकको संख्या थपिएको जिल्ला प्रहरी परिसर काठमाडौंले जनाएको छ।
यसअघि कामना शर्मा, इन्दिरा लिम्बु, शान्ति गुप्ता र देवेन्द्र लिम्बुको निधन भइसकेको छ। नेचर हाउस एन्ड हर्ब इन्टरनेशनल कम्पनीबाट पिकनिक गएर फर्कँदै गर्दा कर्मचारी सवार बस सडकबाट तल खसेको थियो। दुर्घटनामा घाइते भएका ३३ जनाको अहिले विभिन्न अस्पतालमा उपचार भइरहेको छ।

























