निर्वाचन सुरक्षाका लागि झापामा ७ हजार ५ सय सुरक्षाकर्मी परिचालन गरिने

Share this
687shares
मुलुकी खबर
मुलुकी खबर
clock२०८२ पुस २५, शुक्रबार ११:४७

झापा । निर्वाचनलाई भयरहित र शान्तिपूर्ण बनाउन कुल ७ हजार ५ सय सुरक्षाकर्मी परिचालन गरिने भएको छ। जिल्ला सुरक्षा समितिको योजनाअनुसार नेपाली सेना, सशस्त्र प्रहरी बल, नेपाल प्रहरी र निर्वाचन प्रहरीको एकीकृत टोली खटाइनेछ।

प्रमुख जिल्ला अधिकारी शिवराम गेलालका अनुसार झापामा यसपटक ४ हजार ७ सय ४८ जना निर्वाचन प्रहरी परिचालित हुनेछन्। यसका लागि आजदेखि भर्ना प्रक्रिया औपचारिक रूपमा सुरु भएको छ। भर्ना हुन चाहने इच्छुक व्यक्तिहरूले आगामी माघ ५ गतेभित्र दरखास्त दिइसक्नुपर्ने भर्नासम्बन्धी सूचनामा उल्लेख छ। यसपटक सशस्त्र प्रहरी र नेपाल प्रहरीले संयुक्त रूपमा भर्ना प्रक्रिया अघि बढाएका छन्।

जिल्ला निर्वाचन कार्यालयले झापाका २८५ मतदानस्थल र ८१५ मतदान केन्द्रहरूको सुरक्षा वर्गीकरण समेत गरेको छ। जसमध्ये ९५ वटा मतदानस्थल र २७१ वटा मतदान केन्द्रलाई अतिसंवेदनशील सूचीमा राखिएको छ। त्यस्तै १४७ वटा मतदानस्थललाई संवेदनशील र ४३ वटालाई सामान्य श्रेणीमा वर्गीकरण गरिएको छ। मतदान केन्द्रतर्फ ३९० वटा संवेदनशील र १०५ वटा सामान्य अवस्थामा रहेको प्रशासनले जनाएको छ।

मतदाताको संख्या र पायक पर्ने स्थानलाई हेरेर झापामा यसपटक ४९ वटा मतदान केन्द्र थप गरिएका छन्। थपिएका केन्द्रहरूमा पनि सुरक्षाको भरपर्दो व्यवस्था मिलाउन मोबाइल गस्ती र विशेष सुरक्षा टोली परिचालन गरिने प्रमुख जिल्ला अधिकारी गेलालले बताए। निर्वाचनमा खटिने निर्वाचन प्रहरीको छनोट प्रक्रियालाई निष्पक्ष र पारदर्शी बनाउन सुरक्षा निकायहरूलाई निर्देशन दिइएको छ।

तपाइको प्रतिक्रिया
विवादमा तानिएका न्यायाधीश फुयाल नियमित काममा फर्किंदै
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
© 2024 Muluki Khabar. All Rights Reserved. Design & Develop By: Indesign Media Pvt. Ltd.