तराईमा हुस्सु, पहाड र हिमालमा प्रायः मौसम सफा

Share this
640shares
मुलुकी खबर
मुलुकी खबर
clock२०८२ पुस २६, शनिबार ०६:१९

काठमाडौं । देशभर हाल पश्चिमी वायुको आंशिक प्रभाव कायम रहँदा दक्षिण–पश्चिम बंगालको खाडीमा विकसित न्यूनचापीय प्रणालीको असरसमेत केही हदसम्म देखिएको छ ।

जल तथा मौसम विज्ञान विभागका अनुसार यही मौसमी प्रणालीका कारण आज (शनिबार) प्रदेशअनुसार फरक–फरक खालको मौसमी अवस्था देखिएको हो । हाल कोशी, मधेश, बागमती र गण्डकी प्रदेशका विभिन्न स्थानमा आंशिक बदली रहेको छ भने बाँकी पहाडी तथा हिमाली भू–भागमा मौसम मुख्यतया सफा छ ।

विशेषगरी कोशी, मधेश र लुम्बिनी प्रदेशका तराई क्षेत्रहरूमा बाक्लो हुस्सु तथा कुहिरो लागेको छ । अन्य तराई भू–भागका केही स्थानमा पनि हुस्सु देखिएको छ । जसले बिहान र साँझको समयमा दृश्यता कम गराएको छ ।

मौसम पूर्वानुमानअनुसार शनिबार दिउँसो र रातिसमेत तराई भू–भागका अधिकांश स्थानमा हुस्सु र कुहिरो रहने सम्भावना छ । यसका कारण सवारी आवागमन, हवाई उडान र दैनिक जनजीवनमा केही असर पर्न सक्ने विभागले जनाएको छ ।

प्रदेशगत रूपमा हेर्दा कोशी, मधेश, बागमती, गण्डकी र लुम्बिनी प्रदेशमा आंशिक बदलीको अवस्था रहनेछ । तर, पहाडी तथा हिमाली भू–भागमा भने मौसम प्रायः सफा रहने भएकाले चिसो भए पनि आकाश खुला देखिनेछ ।

जल तथा मौसम विज्ञान विभागले विशेषगरी तराई क्षेत्रमा बिहानको समयमा सतर्कता अपनाउन, सवारी साधन सावधानीपूर्वक चलाउन र आवश्यक परे यात्रा समय व्यवस्थापन गर्न आग्रह गरेको छ ।

तपाइको प्रतिक्रिया
विवादमा तानिएका न्यायाधीश फुयाल नियमित काममा फर्किंदै
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
© 2024 Muluki Khabar. All Rights Reserved. Design & Develop By: Indesign Media Pvt. Ltd.