‘गोबर गणेश’ को कमाइ १ करोड १० लाख माथि

Share this
664shares
मुलुकी खबर
मुलुकी खबर
clock२०८२ माघ १०, शनिबार १६:२२

काठमाडौँ । हास्य कलाकार मरिचमान श्रेष्ठ ‘बल्छी धुर्वे’ को लेखन तथा निर्देशनमा बनेको चलचित्र ‘गोबर गणेश’ ले बक्स अफिसमा बलियो उपस्थिति जनाएको छ । माघ १ गते (माघे संक्रान्ति) देखि प्रदर्शनमा आएको यस चलचित्रले ९ दिनमा १ करोड १० लाख रुपैयाँ भन्दा बढीको ग्रस कलेक्सन गर्न सफल भएको हो ।

दोस्रो सातामा प्रवेश गर्दा पनि हलमा दर्शकको उत्साहजनक साथ कायम छ । विशेष गरी दर्शकको सकारात्मक प्रतिक्रिया (वर्ड अफ माउथ) का कारण चलचित्र हेर्नेहरूको सङ्ख्या बढ्दै गएको निर्माण पक्षले जनाएको छ ।

चलचित्र हेरेर निस्कने अधिकांश दर्शकले यसलाई ‘आफ्नै घरको कथा’ भन्दै प्रशंसा गरेका छन् । निम्नमध्यम वर्गीय नेपाली परिवारको दैनिक संघर्ष, सपना र बाध्यतालाई पर्दामा दुरुस्तै उतारिएको भन्दै धेरै दर्शकहरू भावुक समेत बनेका छन् । दर्शकको प्रतिक्रिया बुझ्न चलचित्रका कलाकारहरू विभिन्न सिनेमा हलसम्म पुगिरहेका छन् ।

टेलिभिजन पर्दामा ‘बल्छी धुर्वे’ को रूपमा लोकप्रिय मरिचमानले ठूलो पर्दामा पनि निर्देशक र कलाकारका रूपमा आफूलाई सफल सावित गर्ने संकेत देखाएका छन् । बल्छी धुर्वे फिल्मसको प्रस्तुतिमा तयार भएको यस चलचित्रमा मरिचमानका साथै वर्षा शिवाकोटी, बुद्धि तामाङ, निर्मल शर्मा, माओत्से गुरुङ, सीतादेवी तिमल्सिना लगायतका कलाकारको अभिनय छ ।

निर्देशक मरिचमान श्रेष्ठले एक इमानदार कथा भन्ने प्रयास गरेको र दर्शकले यसलाई आफ्नै कथा ठानेर माया दिएकोमा खुसी व्यक्त गरे । दर्शकको यो मायाले आगामी दिनमा हलमा उपस्थिति अझै बढ्नेमा निर्माण टिम ढुक्क देखिएको छ ।

तपाइको प्रतिक्रिया
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
ईनम सापकोटा प्रकरणमा अप्रमाणित सूचना सार्वजनिक नगर्न प्रहरीको आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.