इटहरी गोल्डकपमा प्लानिङ बोइज र खर्सङ भिड्दै

सुनसरी । १६औँ संस्करणको अन्तर्राष्ट्रिय आमन्त्रण इटहरी गोल्डकप फुटबल प्रतियोगिताअन्तर्गत अन्तिम क्वार्टरफाइनल खेलमा आज (बिहीबार) प्लानिङ बोइज युनाइटेड र युनाइटेड खर्सङ फुटबल क्लब (यूकेएफसी) बीच प्रतिस्पर्धा हुँदैछ ।

इटहरी रंगशालामा साँझ ६ बजेपछि खेल सुरु हुने आयोजकले जनाएको छ । अन्तिम क्वार्टरफाइनल जितेर माथि उक्लिने टिमले फाइनल पुग्नलाई सेमिफाइनलमा सातदोबाटो युथ क्लबको सामना गर्नु पर्नेछ ।

Advertisement

यसअघि बुधबार राति सम्पन्न खेलमा आयोजक राष्ट्रिय जागृति क्लबमाथि हाबी हुँदै सातदोबाटो युथ क्लबले अन्तिम चारमा स्थान सुरक्षित गरिसकेको छ । वैशाख ७ गते हुने उपाधि भिडन्तपछि विजेताले १० लाख रुपैयाँ र उपविजेताले ५ लाख रुपैयाँ नगद पुरस्कार प्राप्त गर्नेछन् ।