२०८३ आश्विन १६, शुक्रबार १२:४८
विराटनगर । आईसीसी क्रिकेट विश्वकप लिग–२ अन्तर्गत ओमानमा हुने त्रिदेशीय शृंखलाका लागि नेपालले १५ सदस्यीय टोली घोषणा गरेको छ।
नेपाल क्रिकेट संघ (क्यान) ले सार्वजनिक गरेको टोलीको कप्तानी सन्दीप लामिछानेले गर्नेछन्। टोलीमा आसिफ शेख, दीपेन्द्रसिंह ऐरी, देव खनाल, ईशान पाण्डे, रोहित पौडेल, अर्जुन कुमाल र सन्दीप जोरा छन् ।
त्यस्तै, गुलशन झा, बासिर अहमद, करण केसी, नन्दन यादव, ललित राजवंशी, शाहब आलम र शेर मल्ल पनि टोलीमा समेटिएका छन् ।
ओमानमा अक्टोबर ११ देखि सुरु हुने शृंखलामा नेपालले क्यानडा र घरेलु टोली ओमानसँग प्रतिस्पर्धा गर्नेछ। सन् २०२७ मा हुने एक दिवसीय विश्वकप छनोटका लागि लिग–२ का खेल नेपालका लागि महत्त्वपूर्ण मानिएको छ ।
नेपाल अहिले लिग–२ को अंक तालिकामा सातौँ स्थानमा छ । ३२ खेलबाट २४ अंक जोडेको नेपालले एक दिवसीय अन्तर्राष्ट्रिय (ओडिआई) मान्यता जोगाउन आगामी शृंखलाका सबै खेल जित्नुपर्ने अवस्था छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×