ऋण नतिरे सम्पत्ति लिलाम (सूचीसहित)

Share this
663shares
मुलुकी खबर
मुलुकी खबर
clock२०८३ बैशाख ८, मंगलबार १८:५८

काठमाडौं । भूमि व्यवस्था, सहकारी तथा गरिबी निवारण मन्त्रालयले समस्याग्रस्त सहकारी संस्थाका ऋणीहरूलाई १५ दिनभित्र ऋण चुक्ता गर्न कडा चेतावनी दिएको छ ।

मंगलबार सार्वजनिक गरिएको सूचनामा तोकिएको अवधिभित्र ऋण नतिरे धितो लिलामदेखि सम्पत्ति रोक्का र सार्वजनिक सेवा सुविधासमेत बन्द गरिने उल्लेख गरिएको छ । समस्याग्रस्त सहकारी व्यवस्थापन समितिले पूर्णता पाएलगत्तै जारी सूचनामा सहकारीबाट ऋण लिएका सञ्चालक, सदस्य, व्यवस्थापक, कर्मचारी तथा जमानी बस्ने व्यक्तिहरूलाई अन्तिम मौका दिइएको जनाइएको छ ।

यसअघि पटकपटक सूचना दिँदा पनि ऋण असुली हुन नसकेको भन्दै अब कडा कदम चालिने स्पष्ट गरिएको छ । सूचनाअनुसार सम्बन्धित ऋणीहरूले १५ दिनभित्र काठमाडौंको बुद्धनगरस्थित समितिको कार्यालयमा सम्पर्क गरी बाँकी साँवा, ब्याज र हर्जाना बुझाउनुपर्नेछ । अन्यथा ऋणी तथा जमानीको नाम सार्वजनिक गरिने, बैंक खाता र सम्पत्ति रोक्का गरिने तथा सरकारी सेवामा समेत रोक लगाइनेछ ।

मन्त्रालयले सहकारी ऐन, २०७४ र नियमावली, २०७५ अनुसार धितो लिलाम प्रक्रिया अघि बढाइ सम्पूर्ण बक्यौता असुल गरिने जनाएको छ । यसले ऋण नतिर्ने प्रवृत्तिमा कडाइ ल्याउने र सहकारी क्षेत्रमा देखिएको अव्यवस्था नियन्त्रण गर्ने अपेक्षा गरिएको छ ।

सरकारले समस्याग्रस्त सहकारी व्यवस्थापन समितिमा नयाँ पदाधिकारी नियुक्त गर्दै प्रक्रिया तीव्र बनाएको छ । मन्त्रालयका अनुसार ऋण असुलीलाई प्राथमिकता दिँदै बचतकर्ताको रकम फिर्ता गर्ने कामलाई समेत सँगसँगै अगाडि बढाइनेछ ।

यी हुन् समस्याग्रस्त सहकारीहरु

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.