दुई बालिकालाई जबरजस्ती करणी गरेको आरोप २ युवा पक्राउ

काठमाडौं । बाँकेका छुट्टाछुट्टै स्थानमा नाबालिकालाई जबरजस्ती करणी गरेको आरोपमा प्रहरीले दुई जना युवालाई पक्राउ गरेको छ ।

१५ वर्षीया र १३ वर्षीया बालिकामाथि करणी गरेको आरोपमा प्रहरीले उनीहरूलाई नियन्त्रणमा लिएको हो ।
प्रहरीका अनुसार कोहलपुर नगरपालिका–४ बेलनपुरका २६ वर्षीय रैबर खानले १५ वर्षीया बालिकालाई जबरजस्ती करणी गरेको आरोपमा पक्राउ गरेको प्रहरीले जनाएको छ । प्रहरीका अनुसार पीडितको उजुरीका आधारमा खानलाई मंगलबार साँझ पक्राउ गरिएको हो ।

Advertisement

त्यसैगरी, १३ वर्षीया बालिकालाई जबरजस्ती करणी गरेको आरोपमा बैजनाथ गाउँपालिका–२ छमनिया गाउँका २२ वर्षीय फुलसिंह थारुलाई पक्राउ गरिएको प्रहरीले जनाएको छ ।

इलाका प्रहरी कार्यालय कोहलपुरको प्रहरी टोलीले उनलाई मंगलबार दिउँसो बैजनाथ गाउँपालिका–५ बनकटुवा चोकबाट नियन्त्रणमा लिएको जनाएको छ ।

पक्राउ परेका दुवै जनामाथि कानुनी कारबाहीका लागि थप अनुसन्धान प्रक्रिया अगाडि बढाइएको छ । घटनाको प्रकृति र गम्भीरतालाई ध्यान दिँदै प्रहरीले घटनालाई सूक्ष्म रूपमा अनुसन्धान अघि बढाएको जनाएको छ ।