२०८३ जेष्ठ १३, बुधबार १५:०४
काठमाडौं । सर्वोच्च अदालतले इजलास र मुद्दा छनौट गर्न अपनाइएको गोला प्रक्रिया फेरबदल गर्ने तयारी नभएको स्पष्ट पारेको छ । नयाँ प्रधानन्यायाधीश नियुक्तिपछि गोला प्रणाली फेरेर प्रधानन्यायाधीशले नै इजलास तोक्ने तयारी भएको हल्ला चलेपछि सर्वाेच्चले यस्ताे बताएकाे हाे ।
बुधबार विज्ञप्ती जारी गर्दै सर्वाेच्चले केही वर्षदेखि लागु भएकाे गाेलाप्रथाकाे नियम परिवर्तन गर्ने तयारी नभएकाे बताएकाे हाे । ‘दैनिक पेसी व्यवस्थापनका लागि अवलम्बन गरिएको गोला प्रक्रियाको बारेमा पुनर्विचार गर्ने कुनै पनि सोच र धारणा औपचारिक रूपमा कतै पनि चर्चा र छलफल भएको छैन,’ सर्वोच्चले भनेकाे छ ।
तत्कालीन प्रधानन्यायाधीश चोलेन्द्र शमशेर जबराविरुद्ध कानुन व्यवसायीहरूले आन्दोलन थालेदेखि सर्वोच्च अदालतले गोला प्रणालीबाट न्यायाधीश छनौट गर्दैआएको छ । जसमा बिहान गोला तानेर न्यायाधीशहरूको इजलास छनौट गरिन्छ, भने त्यसपछि उनीहरूले हेर्नुपर्ने मुद्दाको सूची बाँडिन्छ । सर्वाेच्चसँगै उच्च, विशेष र जिल्ला अदालतहरूमा समेत गोला तानेर नै मुद्दाको सुनुवाइ गर्ने अभ्यास चलिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×