सम्पत्ति छानबिन आयोगसम्बन्धी मुद्दामा चार कानुनविद् अदालतको सहयोगी नियुक्त

Share this
700shares
मुलुकी खबर
मुलुकी खबर
clock२०८३ असार ३१, बुधबार १८:५०
प्रहरीको काम कारबाही नागरिकले रेकर्ड गर्न पाउनुपर्ने मागमा सर्वोच्चद्वारा कारण देखाऊ आदेश

काठमाडौं । सम्पत्ति छानबिन आयोग गठनको संवैधानिक वैधतामाथि सर्वोच्च अदालतमा विचाराधीन मुद्दामा विशेषज्ञ कानुनी राय दिन नेपाल बार एसोसिएसन र सर्वोच्च अदालत बार एसोसिएसनले दुई–दुई जना कानुनविद्लाई एमिकस क्युरी (अदालतको सहयोगी) का रूपमा मनोनयन गरेका छन् ।

नेपाल बार एसोसिएसनले वरिष्ठ अधिवक्ता बद्रीबहादुर कार्की र वरिष्ठ अधिवक्ता टीकाराम भट्टराईलाई मनोनयन गरेको छ । कार्की पूर्वमहान्यायाधिवक्ता हुन् भने विभिन्न संवैधानिक तथा सार्वजनिक महत्वका मुद्दामा यसअघि पनि एमिकस क्युरीको भूमिका निर्वाह गरिसकेका छन् । नेपाल बारका पूर्वअध्यक्ष भट्टराई संवैधानिक कानुनका जानकारका रूपमा परिचित छन् ।

यस्तै, सर्वोच्च अदालत बार एसोसिएसनले पूर्वमहान्यायाधिवक्ता समेत रहेका वरिष्ठ अधिवक्ता डा. दिनमणि पोखरेल र अधिवक्ता रमण कर्णलाई एमिकस क्युरीका रूपमा सिफारिस गरेको छ । डा।. पोखरेलले विगतमा पनि विभिन्न संवैधानिक विवादका मुद्दामा बहस र पैरवी गर्दै आएका छन् । अधिवक्ता कर्ण कर्पोरेट कानुनका विज्ञ हुनुका साथै सर्वोच्च अदालत बार एसोसिएसनका सचिव पनि हुन् ।

दुवै बारबाट मनोनयन गरिएका यी चार कानुनविद्ले अब सम्पत्ति छानबिन आयोगविरुद्ध सर्वोच्च अदालतमा दायर रिट निवेदनमा स्वतन्त्र कानुनी राय प्रस्तुत गर्नेछन् । सम्पत्ति छानबिन आयोग गठन संविधानविपरीत रहेको दाबी गर्दै सर्वोच्च अदालतमा करिब आधा दर्जन रिट निवेदन दर्ता भएका छन् ।

तीमध्ये डा. प्रेमराज सिलवालले दायर गरेको रिटमाथि सुनुवाइका क्रममा सर्वोच्च अदालतले विषयको गम्भीरता र संवैधानिक महत्वलाई ध्यानमा राख्दै एमिकस क्युरीको राय माग्ने निर्णय गरेको हो । अदालतलाई निष्पक्ष राय दिन वा सहयोग गर्नका लागि नियुक्त गरिने कानुनका ज्ञाता एवं विषयविज्ञ एमिकस क्युरी हुन् । एमिकस क्युरीले कुनै मुद्दाको पक्ष वा विपक्ष नभई न्याय निरूपणमा अदालतलाई सघाउने स्वतन्त्र भूमिका निर्वाह गर्नुपर्छ ।

तपाइको प्रतिक्रिया
कांग्रेसको ‘हामी तयार छौँ’ अभियान सुरु हुँदै
विवादमा तानिएका न्यायाधीश फुयाल नियमित काममा फर्किंदै
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
© 2024 Muluki Khabar. All Rights Reserved. Design & Develop By: Indesign Media Pvt. Ltd.