२०८३ श्रावण १८, सोमबार ०८:२६
काठमाडौं । रोल्पा जिल्लालाई केन्द्रबिन्दु बनाएर सोमबार बिहानै भूकम्पको धक्का महसुस गरिएको छ । राष्ट्रिय भूकम्प मापन तथा अनुसन्धान केन्द्रका अनुसार बिहान ३ बजेर ७ मिनेट जाँदा ४.४ स्थानीय म्याग्निच्युडको भूकम्प गएको हो ।
भूकम्पको केन्द्रबिन्दु रोल्पाको इरीवाङ आसपास रहेको केन्द्रले जनाएको छ । बिहानको समयमा एक्कासि जमिन हल्लिएपछि रोल्पाका साथै आसपासका छिमेकी जिल्लाहरूमा समेत सर्वसाधारणले धक्का महसुस गरेका थिए । गहिरो निद्रामा रहेका कतिपय स्थानीय बासिन्दा भूकम्पको झट्कासँगै आत्तिएर घरबाहिर निस्किएका थिए ।
भूकम्पबाट हालसम्म कुनै मानवीय वा भौतिक क्षति भएको जानकारी प्राप्त नभएको जिल्ला प्रहरी कार्यालयले जनाएको छ । प्रहरीका अनुसार जिल्लाका विभिन्न स्थानबाट क्षतिको विवरण संकलन गर्ने कार्य भइरहेको छ, तर अहिलेसम्म कतैबाट अप्रिय खबर आएको छैन ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी