तीन दशक पुरानो दूरसञ्चार ऐन प्रतिस्थापन गरिँदै

Share this
627shares
मुलुकी खबर
मुलुकी खबर
clock२०८३ साउन २१, बिहीबार १२:३४

काठमाडौं । सरकारले तीन दशक पुरानो दूरसञ्चार ऐन, २०५३ लाई प्रतिस्थापन गर्ने भएको छ । सूचना तथा सञ्चार प्रविधि मन्त्रालयले नयाँ दूरसञ्चार विधेयक तर्जुमा गर्न तयार पारिएको अवधारणापत्र सार्वजनिक गर्दै समयसापेक्ष कानुनी व्यवस्थाका लागि आधार तय गरेको हो ।

कानुन निर्माण प्रक्रिया अनुसार मन्त्रिपरिषद्बाट सैद्धान्तिक स्वीकृति लिनुअघि मन्त्रालयले प्रस्तावित कानुनको आवश्यकता, औचित्य र मूलभूत नीति समेटेर यो अवधारणापत्र तयार पारेको हो । कानुन र अर्थ मन्त्रालयको राय परामर्शपछि यसलाई मन्त्रिपरिषदमा पेस गरिने जनाइएको छ ।

मौजुदा दूरसञ्चार ऐनले वर्तमान समयको डिजिटल रूपान्तरण र प्रविधिको द्रुत विकासलाई सम्बोधन गर्न नसकेकाले नयाँ कानुनको आवश्यकता औँल्याइएको छ । नयाँ कानुनले दूरसञ्चार क्षेत्रलाई प्रतिस्पर्धी, भरपर्दो र सर्वसुलभ बनाउनुका साथै नेपाल दूरसञ्चार प्राधिकरणको नियमनकारी भूमिकालाई थप प्रभावकारी बनाउने लक्ष्य लिएको छ ।

भारत, अस्ट्रेलिया र बेलायतका आधुनिक दूरसञ्चार कानुनहरूको अध्ययन गरी तयार पारिएको यो अवधारणापत्रले रेडियो फ्रिक्वेन्सी, नम्बरिङ तथा दूरसञ्चार पूर्वाधारको प्रभावकारी व्यवस्थापन गर्नेछ । साथै नयाँ ऐन लागू भएपछि डिजिटल अर्थतन्त्र र नवप्रवर्तनलाई प्रोत्साहन मिल्नुका साथै उपभोक्ता अधिकार थप सुरक्षित हुने र राज्यको राजस्वमा समेत वृद्धि हुने अपेक्षा मन्त्रालयले गरेको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.