मृतकसँग मनमुटाव वा नोटमा नाम उल्लेख हुँदैमा आत्महत्या दुरुत्साहन नठहरिने सर्वोच्चको व्याख्या

Share this
693shares
मुलुकी खबर
मुलुकी खबर
clock२०८३ साउन २४, आइतबार १६:४२

काठमाडौं । मृतकसँग मनमुटाव भएको वा मृत्युकालीन नोटमा नाम उल्लेख भएकै आधारमा मात्रै कसैलाई पनि आत्महत्याको दुरुत्साहन मुद्दामा दोषी ठहर गर्न नसकिने सर्वोच्च अदालतले व्याख्या गरेको छ। अर्को व्यक्तिको सामान्य संलग्नता वा भनाइले मात्रै दुरुत्साहन नहुने भन्दै अदालतले कसुर ठहर हुन करकापमा पारेर आत्महत्या गर्न बाध्य पारिएको स्थापित हुनुपर्ने फैसला गरेको छ।

न्यायाधीशहरू महेश शर्मा पौडेल र मेघराज पोखरेलको इजलासले गुल्मीकी एक युवतीको आत्महत्या सम्बन्धी मुद्दाको पूर्णपाठ जारी गर्दै यस्तो सिद्धान्त प्रतिपादन गरेको हो। प्रेमविवाह गरेकी ती युवतीले श्रीमानले मानसिक यातना दिएको उल्लेख गर्दै सुसाइड नोट लेखेर आत्महत्या गरेकी थिइन्। माइती पक्षले ज्वाइँविरुद्ध मुद्दा हालेपछि सर्वोच्चले दुरुत्साहन कसुरका लागि कसुरदारले अपराधको मनसाय राखी परिस्थिति निर्माणमा सक्रिय भूमिका खेलेको हुनुपर्ने बताएको छ।

अदालतले सामान्य टिप्पणी वा भनाइलाई दुरुत्साहनको दायरामा राख्न नसकिने स्पष्ट पारेको छ। आत्महत्या गर्नुबाहेक अन्य विकल्प नै बाँकी नराख्ने गरी प्रत्यक्ष र गम्भीर उक्साहट वा निरन्तर उत्पीडन भएको प्रमाण पुग्नुपर्ने फैसलामा उल्लेख छ।

सर्वोच्चले यस्ता मुद्दामा निष्कर्षमा पुग्नुअघि पीडितलाई धम्की वा वातावरण सिर्जना गरे/नगरेको, आरोपितको मनसाय, मृतकको मानसिक अवस्था, घटना अघिको परिस्थिति, विकल्पविहीन अवस्था, वस्तुनिष्ठ प्रमाण र आरोपितको सक्रिय भूमिका गरी सातवटा अवस्थाको विश्लेषण हुनुपर्ने भनेको छ। केवल शङ्का वा मृत्युकालीन नोटका आधारमा मात्रै कसैलाई दोषी मान्न नसकिने सर्वोच्चको निष्कर्ष छ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.