२०८३ श्रावण २५, सोमबार १७:१९
विराटनगर । गत वर्ष भदौको जेनजी आन्दोलनका क्रममा कारागारबाट भागेका एक भारतीय कैदी धरानबाट पक्राउ परेका छन्। इलाका प्रहरी कार्यालय धरानका अनुसार पक्राउ पर्नेमा भारतको भागलपुर जिल्लास्थित हबिपुर बस्ने ३२ वर्षीय मोहम्मद सहजादा छन्।
लागुऔषध मुद्दामा पक्राउ परेका साहजादालाई सुनसरी जिल्ला अदालतको २०८२ वैशाख ७ गतेको फैसलाले १ लाख ४० हजार रुपैयाँ जरिबानासहित ३ वर्ष ६ महिनाको कैद सजाय सुनाएको थियो।
अदालतको फैसलाअनुसार सुनसरीको झुम्का कारागारमा कैद भुक्तान गरिरहेका उनी गत भदौ २४ गतेको जेनजी आन्दोलनको मौका छोपी फरार भएका थिए।
धरान–७ शान्तिपथमा कोठा भाडामा लिएर धरान, इटहरी र विराटनगर क्षेत्रमा पुनः लागुऔषधको कारोबार तथा ओसारपसार गर्दै आएको अवस्थामा उनलाई नियन्त्रणमा लिइएको प्रहरीले जनाएको छ। पक्राउ परेका साहजादालाई पुनः झुम्का कारागार पठाउने तयारी भइरहेको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी