झापाबाट लागुऔषधसहित तीन जना पक्राउ

Share this
703shares
मुलुकी खबर
मुलुकी खबर
clock२०८३ भदौ ६, शनिबार १७:३२
उर्लाबारीमा जुवा खेलिरहेको अवस्थामा ८ जना पक्राउ 

झापा । झापाको सीमावर्ती क्षेत्रबाट लागुऔषधसहित तीन जना पक्राउ परेका छन्। प्रहरीले शनिबार र शुक्रबार राति  गरी उनीहरूलाई पक्राउ गरेको हो। जिल्ला प्रहरी कार्यालय झापाका अनुसार झापा गाउँपालिका–४ चर्तागाछीबाट भारततर्फबाट नेपाल आउँदै गरेका शिवसताक्षी नगरपालिका–९ का १७ वर्षीय गौरव चौधरी पक्राउ परेका छन्।

उनको साथबाट प्लास्टिकसहित सात ग्राम १० मिलिग्राम ब्राउनसुगर र नाइट्रोजन ट्याब्लेट १८ थान बरामद भएको प्रहरीले जनाएको छ। त्यस्तै, शनिबार बिहान टाघनडुब्बा स्कुल टोलबाट भारततर्फबाट साइकलमा नेपाल आउँदै गरेका शिवसताक्षी–६ का २८ वर्षीय प्रभाष बास्के र २६ वर्षीय फिलिप मर्डी पक्राउ परेका छन्। नीहरूको साथबाट प्लास्टिकसहित एक ग्राम ७५ मिलिग्राम ब्राउनसुगर बरामद भएको प्रहरीले जनाएको छ। पक्राउ परेका तीनै जनामाथि थप अनुसन्धान भइरहेको जिल्ला प्रहरी कार्यालय झापाले जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.