२०८३ भाद्र ७, आइतबार ११:०६
रुकुम पश्चिम । सानीभेरी गाउँपालिका–८ एकान्तस्थित मध्यपहाडी लोकमार्गमा विद्युतीय गाडीको ठक्करबाट आइतबार बिहान आमा-छोरीको मृत्यु भएको छ।
सिम्लीबाट चौरजहारीतर्फ जाँदै गरेको विद्युतीय सवारीले मुसिकोट खलङ्गाबाट सुर्खेततर्फ गइरहेको अर्को गाडीलाई आइतबार बिहान ठक्कर दिएको थियो। दुर्घटनामा गुल्मीको रुरु क्षेत्र गाउँपालिका-४ बलेटक्सारकी २६ वर्षीया स्वस्तिका पौडेल र उनकी दुई वर्षीया छोरी सान्दिका ज्ञवाली गम्भीर घाइते भएका थिए।
उनीहरूलाई उपचारका लागि जिल्ला अस्पताल सल्ले पुर्याइए पनि चिकित्सकले मृत घोषणा गरेको जिल्ला प्रहरी कार्यालयका सूचना अधिकारी झविन्द्र परियारले जानकारी दिए। दुर्घटनामा ठक्कर दिने विद्युतीय गाडी र चालकलाई प्रहरीले नियन्त्रणमा लिएर घटनाबारे थप अनुसन्धान गरिरहेको जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×