२०८३ भाद्र ७, आइतबार ११:३४
एजेन्सी । बायर्न म्युनिखले जर्मन सुपर कपको उपाधि जितेको छ । शनिबार राति भएको खेलमा डर्टमण्डलाई २-१ गोलले हराउँदै बायर्नले सिजनको पहिलो उपाधि जितेको हो ।
सिंगल इडुना पार्कमा भएको खेलमा बायर्नलाई जित दिलाउन नाथानिएल ब्राउन र मिचेल ओलिसेले समान एक/एक गोल गरे । बायर्नको लागि फाबियो सिल्भाले एक गोल फर्काए । खेलको २८ औँ मिनेटमा ओलिसेको पासमा ब्राउनले गोल गर्दै बायर्नलाई शुरुवाती अग्रता दिलाएका थिए ।
पहिलो हाफको इन्जुरी समयमा ओलिसेले गोल गर्दै बायर्नको अग्रता दोब्बर बनाए । ७५ औँ मिनेटमा सिल्भाले गोल गर्दै डर्टमण्डलाई खेलमा फर्काउने सङ्केत गरेका थिए ।
९० औँ मिनेटमा डिफेन्डर रामी बेन्सेबैनी रातो कार्ड पाउँदै मैदान बाहिरिएपछि डर्टमण्डले १० खेलाडीमा रहेर खेलको अन्त्य गरेको थियो । बाँकी समयमा दुवै टोलीबाट थप गोल हुन नसक्दा बायर्न २-१ गोलले विजयी भएको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×