सुधार केन्द्रमा करेन्ट लागेर एक भारतीय नागरिकको मृत्यु

Share this
765shares
मुलुकी खबर
मुलुकी खबर
clock२०८३ भदौ ८, सोमबार २०:३०

काठमाडौं । रौतहटको गौरस्थित एक सुधार केन्द्रमा करेन्ट लागेर एक भारतीय नागरिकको मृत्यु भएको छ । गौर नगरपालिका–४ मा रहेको  ‘युवा राइज सुधार केन्द्र’ मा हात धुने क्रममा करेन्ट लाग्दा भारतको बिहार बेतियाका ३४ वर्षीय विकास रायको मृत्यु भएको प्रहरीले जनाएको छ ।

प्रहरीका अनुसार सुधार केन्द्रमा बसिरहेका रायलाई हात धुने क्रममा अचानक करेन्ट लागेको थियो । करेन्ट लागेर गम्भीर घाइते भएका उनलाई तत्काल उपचारका लागि प्रादेशिक अस्पताल गौर लगिएको भए पनि चिकित्सकले अस्पताल पुर्‍याउनासाथ मृत घोषित गरेको प्रहरीले जनाएको छ ।

मृतक राय विगत पाँच महिनादेखि सोही सुधार केन्द्रमा रहँदै आएको थिए । हाल उनको शव पोस्टमार्टमका लागि प्रादेशिक अस्पताल गौरमै राखिएको छ । घटनाबारे उनका आफन्तलाई खबर गरिसकिएको र घटनाका सम्बन्धमा थप अनुसन्धान भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.