२०८३ भाद्र १०, बुधबार ०७:१३
विराटनगर । मोरङको कानेपोखरी गाउँपालिका–५ बाट प्रहरीले सवारी अंगभंग मुद्दाका एक जना फरार प्रतिवादीलाई पक्राउ गरेको छ ।
पक्राउ पर्नेमा कानेपोखरी–५ का ४४ वर्षीय सुरेन्द्रप्रसाद राजवंशी रहेका छन् । राजवंशीलाई मंगलबार साँझ ७ बजेतिर आफ्नै घरबाट पक्राउ गरिएको मोरङ प्रहरीका डीएसपी सन्तोष श्रेष्ठले बताए ।
उनका अनुसार राजवंशीलाई पक्राउ गरेर अड्डासार गरी झापा पुर्याइएको छ । सवारी अंगभंग मुद्दामा जिल्ला अदालत झापाले २०८१ साल पुस १६ गते दोषी ठहर गर्दै उनलाई २ वर्ष ११ महिना ५ दिन कैद सजाय हुने फैसला सुनाएको थियो ।
तर, सजाय भुक्तान नगरिकन उनी फरार भएका थिए । गाउँ घरमै लुकिछिपी बसिरहेको अवस्थामा पक्राउ गरिएको प्रहरीले जनाएको छ । प्रहरीले राजवंशीलाई बुधबार अदालतमा बुझाउने तयारी गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
