भोटेकोशी बाढीमा फसेका ८२९ जनाको हवाई उद्धार

काठमाडौँ। भोटेकोशीमा आएको भीषण बाढी प्रभावितको उद्धार र खोजी जारी रहेको नेपाली सेनाले जनाएको छ। सैनिक जनसम्पर्क तथा निर्देशनालयका अनुसार रसुवा र नुवाकोट क्षेत्रमा नेपाली सेनाका ६ र निजी क्षेत्रका ९ वटा हेलिकप्टरद्वारा उद्धार भइरहेको छ ।

जंगी अड्डाका अनुसार अहिलेसम्म ८२९ जनाको हवाई उद्धार गरिएको छ। त्यसमा १०१ विदेशी पर्यटक रहेका छन्। सेनाले अन्य २०० जनाको जमिनबाट उद्धार गरेको छ ।

Advertisement

बाढी प्रभावित क्षेत्रमा नेपाली सेनाको ४ हजार ५ सयभन्दा बढी फौज खटिएको छ। उक्त टोलीले खोज, उद्धार तथा राहत वितरण गरिरहेको सैनिक प्रवक्ता सहायक रथी राजाराम बस्नेतले बताए।

भोटेकोशी बाढीमा फसेका ८२९ जनाको हवाई उद्धारसेनाले बाढी प्रभावित नुवाकोटको त्रिशूलीमा आपतकालीन उपचार केन्द्र स्थापना गरेको छ। त्यहाँ ११४५ जनालाई स्वास्थ्य सेवा प्रदान गरिएको सेनाले जनाएको छ। उद्धार र खोजीमा ड्रोन, सैनिक कुकुर प्रयोग गरिएको छ।सेनाले २० वटा ट्रकमा राहत सामग्री ढुवानी गरी हवाई साधनद्वारा वितरण गरिरहेको जनाएको छ।