२०८३ भाद्र १३, शनिबार १२:२०
विराटनगर । विराटनगर महानगरपालिका–४ इक्राहीस्थित धान खेतमा आज (शनिबार) बिहान सालनालसहितको नवजात शिशु फेला परेको छ ।
प्रहरीका अनुसार बिहान करिब ९:४० बजे सेतो प्लास्टिकको बोराभित्र नवजात शिशु रोइरहेको स्थानीयले सुनेपछि प्रहरीलाई खबर गरेका थिए ।
सूचना पाएलगत्तै प्रहरी चौकी बरगाछीबाट प्रहरी सहायक निरीक्षक पुष्प पोखरेलको नेतृत्वमा खटिएको टोलीले स्थानीयको सहयोगमा शिशुको उद्धार गरेको थियो ।
उद्धार गरिएको नवजात शिशु (छोरा) लाई उपचारका लागि नोबेल अस्पताल विराटनगर लगिएको छ । उपचाररत शिशुको अवस्था सामान्य र स्वास्थ्य रहेको प्रहरीले जनाएको छ ।
घटनाबारे थप अनुसन्धानका लागि जिल्ला प्रहरी कार्यालय मोरङबाट प्रहरी निरीक्षक लेखनाथ दाहालको नेतृत्वमा टोली खटिएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
