२०८३ भाद्र २८, आइतबार ०६:५१
विराटनगर । मोरङको कानेपोखरी र पथरीशनिश्चरेबाट प्रहरीले लागुऔषध ब्राउन सुगर (खैरो हेरोइन)सहित दुई जना युवालाई पक्राउ गरेको छ ।
पक्राउ पर्नेमा कानेपोखरी गाउँपालिका–४ का ३७ वर्षीय सुन्दर धिमाल र पथरीशनिश्चरे नगरपालिका–८ का २९ वर्षीय अजय मगर छन् । प्रहरीले शनिबार साँझ करिब ५ः५५ बजेतिर कानेपोखरी–४ मा लागुऔषध सेवन तथा कारोबार भइरहेको गोप्य सूचनाका आधारमा अस्थायी प्रहरी पोस्ट कुसलबजारबाट टोली खटाएको थियो ।
सो क्रममा धिमाललाई को २६ प १९०२ नम्बरको स्कुटर रोकी चेकजाँच गर्दा कालो झोलाभित्र लुकाइराखेको १ ग्राम ९७० मिलिग्राम ब्राउन सुगर बरामद भएको प्रहरीले जनाएको छ । त्यस्तै, पथरीशनिश्चरे–४ स्थित केर्खा खोलाको पुलमा शंकास्पद अवस्थामा भेटिएका मगरको साथबाट २७० मिलिग्राम ब्राउन सुगर बरामद भएको छ ।
दुवै जनालाई इलाका प्रहरी कार्यालय पथरीको हिरासतमा राखिएको छ । उनीहरुमाथि पथरीका डीएसपी वीरदत्त पन्त नेतृत्वको टोलीले अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
