२०८३ भाद्र २९, सोमबार १८:५६
काठमाडौं । जेन्जी आन्दोलनका क्रममा झुम्का कारागारबाट फरार भएका एक कैदीलाई प्रहरीले काठमाडौंमा पक्राउ गरेको छ ।
पाँचथरको हिलिहाङ गाउँपालिका–९ घर भई हाल काठमाडौंको कागेश्वरी मनोहरा नगरपालिका–७ बस्ने २७ वर्षीय रोशन माझीलाई पक्राउ गरेको प्रहरीले जनाएको छ ।
प्रहरीका अनुसार माझीलाई आइतबार राति करिब ९ बजे कागेश्वरी मनोहरा नगरपालिका–७ हरहर महादेव क्षेत्रबाट पक्राउ गरिएको हो ।
माझी जबरजस्ती करणी मुद्दामा सजाय भुक्तान गरिरहेका कैदी हुन् । उनी गत भदौ २४ गते भएको जेन्जी आन्दोलनका क्रममा झुम्का कारागारमा कैदी सजाय भुक्तान गरिरहेको अवस्थामा फरार भएका थिए ।
फरार भएपछि प्रहरीले उनको खोजी गरिरहेको थियो । सोही क्रममा प्राप्त सूचनाका आधारमा उनलाई काठमाडौंको हरहर महादेव क्षेत्रबाट पक्राउ गरिएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×