२०८३ आश्विन ७, बुधबार १६:२२
इलाम। इलामको सूर्योदय नगरपालिका–४ ठूलो मिर्बुङस्थित जंगलबाट प्रहरीले ५५२ किलोग्राम अवैध फर्सीको बियाँ बरामद गरेको छ।
जिल्ला प्रहरी कार्यालय इलामका अनुसार मंगलबार राति करिब ११ बजे इलाका प्रहरी कार्यालय पशुपतिनगर र प्रहरी चौकी फिक्कलबाट खटिएको संयुक्त प्रहरी टोलीले जंगलमा लुकाएर राखिएको अवस्थामा फर्सीको बियाँले भरिएका २० बोरा फेला पारेको हो।
बरामद बियाँ इलाका प्रहरी कार्यालय पशुपतिनगरमा ल्याएर तौल गर्दा ५५२ किलोग्राम रहेको प्रहरीले जनाएको छ। बरामद बियाँ आवश्यक कारबाहीका लागि भन्सार कार्यालय पशुपतिनगरमा बुझाइएको छ।
जंगलमा फर्सीको बियाँ लुकाएर राख्ने व्यक्तिको पहिचान तथा खोजी भइरहेको र घटनाबारे थप अनुसन्धान भइरहेको जिल्ला प्रहरी कार्यालय इलामले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×