सीप तथा रोजगार मेला इटहरीमा सुरु 

विराटनगर । युवा, श्रम तथा रोजगार मन्त्रालयले आयोजना गरेको सीप तथा रोजगार मेला सुनसरीको इटहरीमा सुरु भएको छ । इटहरीमा मंगलबार (आज) देखि  ‘सीप तथा रोजगार मेला २०८३’ सुरु भएको हो ।

इटहरीको तारे होटल सोल्टीमा  ‘सीप र रोजगारी: साझा जिम्मेवारी’ भन्ने मूल नाराका साथ सुरु भएको यो मेला असोज २० गतेसम्म सञ्चालन हुनेछ ।

कोशी प्रदेशलाई लक्षित गरी आयोजना गरिएको यस ७ दिने मेलामा स्वदेशमै रोजगारीका अवसर सिर्जना गर्ने, रोजगारदाता र कामको खोजीमा रहेका युवाहरूलाई एउटै मञ्चमा जोड्ने तथा सीपमूलक तालिमसम्बन्धी परामर्श प्रदान गर्ने उद्देश्य राखिएको छ ।

मेलामा विभिन्न उद्योग, व्यापारिक प्रतिष्ठान तथा रोजगारदाता क्षेत्रका ६५ स्टलहरू रहेका छन् । कामको खोजीमा रहेका युवाहरूले मेला स्थलमै पुगेर आवश्यक परामर्श लिन सक्नेछन् ।