२०८३ कात्तिक १८, बुधबार १३:०५
झापा । झापाको बिर्तामोड नगरपालिका–४ मा रहेको एक घर र गोदाममा बुधबार भीषण आगलागी भएको छ। आगो नियन्त्रणमा लिन सुरक्षाकर्मी र स्थानीयवासी परिचालित भएका छन् ।
सिद्धार्थ होटल र धौलागिरी पारिजात बचत तथा ऋण सहकारी संस्थानजिकै भएको आगलागीको कारण खुल्न सकेको छैन । नेपाल प्रहरी, सशस्त्र प्रहरी र दमकलको सहयोगमा आगो निभाउने प्रयास भइरहेको जिल्ला प्रहरी कार्यालय झापाले जनाएको छ ।
आगलागीबाट थप क्षति हुन नदिन गोदाममा रहेका सामान सुरक्षित स्थानमा सार्ने काम समेत भइरहेको छ । आगलागीबाट भएको क्षतिको विवरण आउन बाँकी छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
