आफूलाई पक्राउ गर्न प्रहरी परिचालन गरिएको कांग्रेस नेता शिवकोटीको दाबी

काठमाडौं । नेपाली कांग्रेसका सहमहामन्त्री अजयबाबु शिवाकोटीले सरकारले आफूलाई पक्राउ गर्न प्रहरी परिचालन गरेको दाबी गरेका छन् । बिहीबार बिहान सामाजिक सञ्जालमार्फत उनले सरकारले आफूलाई खोजिरहेको बताएका हुन् ।

शिवाकोटीले सरकारको धम्की र भ्रमबाट आफू विचलित नहुने उल्लेख गर्दै काठमाडौं आउँदै गरेको बताएका छन् ।

‘सरकार, तिम्रो भय र पारेको भ्रमले विचलित हुन्नँ । प्रहरी लगाएर खोज्नु पर्दैन, काठमाडौं आउँदै छु,’ उनले सामाजिक सञ्जालमा लेखेका छन् ।

तर, आफूलाई पक्राउ गर्न खोजिएको विषयमा सरकारले किन यस्तो कदम चाल्न खोजेको हो भन्नेबारे उनले थप विवरण खुलाएका छैनन् । प्रहरीले आफूलाई खोजिरहेको दाबीबारे पनि स्वतन्त्र पुष्टि हुन सकेको छैन ।

नेपाली कांग्रेसका सभापति गगन थापालाई सरकारले पक्राउ गर्न खोजेको भन्ने समाचार सार्वजनिक भइरहेका बेला सहमहामन्त्री शिवाकोटीको यस्तो प्रतिक्रिया आएको हो । पछिल्लो घटनाक्रमले सरकार र प्रमुख प्रतिपक्षी नेपाली कांग्रेसबीचको तनाव थप चर्चामा आएको छ ।