रेडपाण्डा ट्रेल म्याराथन शनिबार हुँदै

Share this
748shares
मुलुकी खबर
मुलुकी खबर
clock२०८१ असोज ४, शुक्रबार १०:१०

ताप्लेजुङ । ताप्लेजुङमा अन्तर्राष्ट्रिय रेडपाण्डा ट्रेल म्याराथन प्रतियोगितामा शनिबार हुँदैछ ।

हिमाली संरक्षण मञ्च रेडपाण्डा नेटवर्कले अन्तर्राष्ट्रिय रेडपाण्डा संरक्षण दिवसको अवसर पारेर २१ सेक्टेम्बरमा प्रतियोगिता आयोजना गर्न लागेको मञ्चका कार्यवाहक अध्यक्ष भिङमारे लिम्बूले जानकारी दिए ।

उनका अनुसार प्रतियोगितामा दक्षिण कोरियाका एक नागरिकसहित ५६ जनाले नाम दर्ता गराइसकेका छन् ।
म्याराथनमा सहभागीहरुका लागि १३ जना स्वास्थ्यकर्मीसहित ७२ जना स्वयंसेवक परिचालन गरिएको छ ।

स्वास्थ्यकर्मीको टोली प्रतियोगितामा भाग लिने खेडालीहरुको स्वास्थ्य परीक्षण सुरु गरिसकेका छन् ।
म्याराथन प्रतियोगिता फुङ्लिङबाट सुरु हुँदै ३ हजार ७ सय ९४ मिटर उचाइमा रहेको पाथीभरा मन्दिर पुगेर पुनःफुङ्लिङ आइपुग्दा ४८ किलोमिटर दुरी पूरा हुने आयोजकले जनाएको छ ।

पुरुष र महिला एकै पटक दौड्ने छन् । सबैभन्दा पहिले दौड पूरा गर्ने एक जना खेलाडीलाई नगद १ लाख रुपैयाँ प्रदान गरिने भएको छ ।

प्रतियोगिताको पुरुष र महिलातर्फका प्रथमले ५० हजार, द्वितीयले ३० हजार र तृतीयले २० हजार रुपैयाँ पुरस्कार प्राप्त गर्ने छन् ।

त्यस्तै ताप्लेजुङ, पाँचथर र इलामका सहभागीमध्ये प्रथमले १५ हजार, द्वितीयले १० हजार र तृतीयले ५ हजार रपैयाँ पुरस्कार प्राप्त गर्ने छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.