यात्रुवाहक बस कोशी ब्यारेजबाट नदीमा खस्यो

Share this
758shares
मुलुकी खबर
मुलुकी खबर
clock२०८१ असोज १०, बिहीबार १८:२९

विराटनगर । यात्रुवाहक बस सप्तकोशी नदीमा खसेको छ । केही बेरअघि कोशी ब्यारेजको पुलबाट बस खसेको सुनसरीका प्रमुख जिल्ला अधिकारी रामचन्द्र तिवारीले जानकारी दिए ।

‘बस खस्यो भन्ने जानकारी आएको छ । हामी घटनास्थलतर्फ जाँदै छौं । थप केही खुलेको छैन,’ तिवारीले भने ।

विराटनगरबाट यात्रु लिएर गाइघाटतर्फ जाँदै गरेको बस साँझ ६ः१० बजेतिर खसेको हाे ।

सप्तरी प्रहरी प्रवक्ता डीएसपी ढुण्डीराज न्याैपानेका अनुसार काेशी ब्यारेजकाे ३५ नम्बर ढाेकाबाट बस खसेकाे हाे । बसमा १५–२० जना यात्रु  रहेकाे उनले बताए । ‘बससँगै यात्रु नदीमा खसेकाे जानकारी आएकाे छ,’ उनले भने ।

कोशी ब्यारेजको पुलमा गुडिरहेको बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । घटनामा ठूलो क्षति भएको हुनसक्ने आशंका छ । घटनाको थप विवरण प्राप्त हुन सकेको छैन ।

 

अपडेट : कोशी ब्यारेजबाट खसेको बसका २० जनाको उद्दार

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.