
विराटनगर । साफ महिला च्याम्पियनसिपको उपाधिका लागि आज नेपालले बाङ्लादेशसँग खेल्दैछ । नेपाल र बंगलादेशले लगातार दोस्रोपटक उपाधिका लागि खेल्न लागेका हुन् ।
यसअघि पाँचपटक फाइनल पुगेकाे नेपाल उपाधिविहीन छ ।
नेपालले बलियो टोली भारतविरुद्ध र बाङ्लादेश भुटानमाथि जित निकाल्दै उपाधिका लागि प्रतिस्पर्धा गर्न लागेका हुन् ।
गत संस्करण पनि नेपाल घरेलु मैदानमा बाङ्लादेशसँग पराजित हुँदा उपाधिविहीन बनेको थियो । आज नेपाललाई गत सिजनको बदला लिने अवसर पनि छ ।
नेपाली महिला टोलीकी कप्तान एन्जिला तुम्बापो सुब्बाले देशका लागि उपाधि जित्ने लक्ष्यसहित खेल्ने बताइन् ।



















