डेढ अर्बको छुर्पी विदेश निर्यात

Share this
729shares
मुलुकी खबर
मुलुकी खबर
clock२०८१ पुस १८, बिहीबार ०७:२९

काठमाडौं । नेपालबाट पछिल्लो पाँच महिनामा करिब डेढ अर्बको छुर्पी विदेश निर्यात भएको छ ।

चालु आर्थिक वर्ष २०८१–८२ को पाँच महिनामा (साउनदेखि मङ्सिरसम्म) एक अर्ब ४५ करोड ११ लाख रुपैयाँ बराबरको सात लाख ७३ हजार केजी छुर्पी निर्यात भएको हो ।

भन्सार विभागको तथ्याङ्क अनुसार बिरालो र कुकुरको खाना (डग एन्ड क्याट फुड) का नामबाट छुर्पी निर्यात हुन्छ । सबैभन्दा धेरै अमेरिकामा छुर्पी निकास भएको छ ।

विभिन्न डेरी उद्योगले छुर्पी उत्पादन गरेर विदेश निर्यात गर्दै आएका छन् । आठ वर्षदेखि छुर्पी निर्यात गर्दा आएका गायत्री डेरी उद्योग सञ्चालक नीराजन कोइरालाले अन्तर्राष्ट्रिय बजारमा छुर्पीको माग बढ्दै गएको बताए ।

अमेरिकामा र क्यानडामा गरेर मासिक २५ देखि ३० टन छुर्पी निर्यात गर्दै आएको उनले जानकारी दिए ।

दुधको मूल्य बढ्दा छुर्पीको लागत मूल्य बढेकाले सोही अनुसार बजार मूल्य पाउन नसकेको उनको भनाई छ ।

अन्तर्राष्ट्रिय बजारमा प्रतिकेजी १८ डलर रहेको छुर्पी अहिले मूल्य घटेर १३ देखि १५ डलरमा बिक्री हुन्छ ।

आर्थिक वर्ष २०८०/८१ मा तीन अर्ब १८ करोड ४३ लाख रुपैयाँ बराबरको १६ लाख ४६ हजार ८८७ किलो छुर्पी निर्यात भएको विभागको तथ्याङ्क छ ।

२०७९/८० मा तीन अर्ब ४० करोड ९० लाख रुपैयाँ बराबरकाे १७ लाख ८६ हजार ११२ किलो निर्यात भएको  थियाे । विभागका अनुसार आव २०७८/७९ मा दुई अर्ब ९१ करोड १९ लाख रुपैयाँ बराबरको १७ लाख ४४ हजार ४५१ किलो निर्यात भएको थियाे ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.