
काठमाडौं । लगातार तीन खेलमा पराजित भएपछि नेपाल आईसीसी यू– १९ महिला टी २० विश्वकपको समूह चरणबाटै बाहिरिएको छ ।
बुधबार भएको समूहको अन्तिम खेलमा नेपाल अष्ट्रेलियासँग पराजित भएपछि समूह चरणबाटै बाहिरिएको हो ।
नेपाल पहिलो खेलमा बंगलादेश र दोस्रो खेलमा स्कटल्याण्डसँग पराजित भएको थियो ।
अष्ट्रेलियाले दिएको १४० रनको लक्ष्य पछ्याएको नेपालले ५६ रन मात्र बनाउन सक्यो र ८३ रनले पराजित भयो ।
त्यसअघि मलेसियाको बांगीस्थित युएसडी–युकेएम ओभलमा टस जितेर पहिले ब्याटिङ गरेको अष्ट्रेलियाले पूरै २० ओभर खेल्दै ६ विकेट गुमाएर १३९ रन बनाएको थियो ।



















