
विराटनगर । झापाको बुद्धशान्ति गाउँपालिका–१ नमुना बस्तीमा करेन्ट लागेर १ जना युवकको मृत्यु भएको छ ।
दामा खोलामा करेन्ट लगाएर माछा मार्ने क्रममा बुद्धशान्ति–३ का अन्दाजी २० वर्षीय सुशील लिम्बूको मृत्यु भएको प्रहरीले जनाएको छ । प्रहरीका अनुसार उनी बुद्धशान्ति–१ को दामा खोलामा झोलुंगे पुल निर्माणका लागि उपभोक्ता समितिले खटाएका कामदार हुन् ।
दामा खोलामै करेन्ट लगाएर माछा मार्ने क्रममा शनिबार राति १० बजेतिर उनी घाइते भएका थिए । बिर्तामोडस्थित बी एन्ड सी अस्पतालमा उपचारका क्रममा १०ः५० बजेतिर मृत्यु भएको प्रहरीले जनाएको छ ।
लिम्बूले आफू बस्ने छाप्रोबाट बिजुलीको तार जोडेर खोलामा करेन्ट प्रवाह गरेको प्रहरीको प्रारम्भिक अनुसन्धानबाट खुलेको छ । माछा मार्ने क्रममा उनलाई अचानक करेन्ट लागेको थियो । प्रहरीले घटनाको अनुसन्धान भइरहेको जनाएको छ ।

























