
विराटनगर । मोरङको कानेपोखरीमा आगोले जलेर घाइते भएकी महिलाको उपचारका क्रममा मृत्यु भएको छ ।
कानेपोखरी गाउँपालिका–१ होक्लाबारीकी ५५ वर्षीया रीता बुढाथोकीको आगोले जलेको १ महिनापछि मृत्यु भएको हो । गाईलाई खोले पकाउने क्रममा सारीबाट सल्किएको आगोले जलेर उनी गम्भीर घाइते भएकी थिइन् ।
प्रहरीका अनुसार उनी माघ १७ गते जलेर घाइते भएकी थिइन् । उपरचाका लागि विराट शिक्षण अस्पताल ल्याइएको थियो । विराटमा सम्भव नभएपछि थप उपचारका लागि काठमाडौं लगियो ।
वीर अस्पतालमा उपचारका क्रममा शनिबार बिहान रीताको मृत्यु भएको मोरङ प्रहरी प्रमुख एसपी नारायणप्रसाद चिमरियाले बताए । उनका अनुसार घटनाको थप अनुसन्धान अघि बढाइएको छ ।

























