
काठमाडौं । जंगलमा आज दिउँसो दुई जना पुरुषको शव फेला परेको छ ।
प्रहरीका अनुसार कैलालीको धनगढी उपमहानगरपालिका–९ स्थित सालघारी सामुदायिक जंगलमा धनगढी उपमहानरपालिका–१० का अन्दाजी ३० वर्षका देवल चौधरी र सोही ठाउँका अन्दाजी ३२ वर्षका कैदा रानाको शव फेला परेको हो ।
जिल्ला प्रहरी कार्यालय कैलालीका डीएसपी कविन्द्र सिंह बोहोराका अनुसार चौधरीको शव झुडिएको अवस्थामा र रानाको शव भुईँमा फेला परेको हो ।
चौधरीको शव साइकलमा सामान बाँध्ने ट्युबको डोरीले घाँटीमा पासो लगाएर जमानुको रुखमा झुण्डिएको अवस्थामा फेला परेको हो । उनको शव भेटिएको स्थानबाट करिब १५ मिटर पर रानाको शव फेला परेको हो । प्रहरीले घटनाको अनुसन्धान गरिरहेको छ ।

























